Haus um Sand
Stéphanie Hallé-Fabbri
Schwangerschaft
Berodung
​​An éngem éischte Gespréich kanns du dech informéiere kommen, wéi ech als Doula schaffen a wat ech vu Berodungen a Begleedungen ronderëm d'Schwangerschaft, d'Gebuert an d'Wochebett ubidden. Meng Zerwisser gehéieren net zu de Gesondheetsberuffer, mee sinn eng net medizinesch Ergänzung zu den Hiewanen hir Coursen a Begleedungen.
Meng Berodungen a Begleedungen ronderëm d'Schwangerschaft sinn:​
-
Meng selbstbestëmmte Gebuert: fir sech gutt op d'Gebuert virzebereeden
-
Belly Basics: fir sech gutt op d'Wochebett virzebereeden
-
Gesëschtercours: fir sech gutt op de Nowues virzebereeden
-
MamiZen: eng Massage fir schwanger Fraen a Mammen am Wochebett
-
Mother's Blessing: eng Zeremonie fir d'schwanger Fra an hirem Iwwergang ze éieren an ze bestäerken​
​
60€/d'Stonn (hTVA)
Meng selbstbestëmmte Gebuert
"Meng selbstbestëmmte Gebuert" bereet dech op déng eenzegarteg Gebuert vir. Du solls mat der Zäit erausfannen, wat s du perséinlech brauchs fir sécher a gebuergen accouchéieren ze kënnen. Du léiers d'Zesummenhäng an d'Gebuertsgesetzer kennen, wéi eng physiologesch Gebuert oflafe kann a wéi een mat Interventiounen eenz ka ginn. Du kriss Ressourcen a Methoden mat op de Wee, wei's du mat déngen intensiven Gebuertswellen am Aklang kanns sinn.
​
Meng Aufgab als Doula ass dech z'informéieren, dech z'ënnerstëtzen an ze bestäerken. D'Zil ass och, dat's du mat méi Freed a mat méi Geloossenheet deng Gebuert mat engem gudden Team ronderëm erliewen kanns an dat's du op Ressourcen a Methoden zeréckgräifen kanns, déi dir hëllefe wäerten méi entspaant duerch de Prozess ze kommen.
Belly Basics
D'Konzept “Belly Basics” ass vun "Einfach Eltern" an d'Liewe geruff ginn, fir d'Elteren gutt op d'Wochebett virzebereeden.
No der Gebuert fänkt d'Wochebett direkt un an dofir ass et sënnvoll dech schonn am Virfeld domat ze beschäftegen. D'Wësse kann hëllefen, dass du dech besser op d'Wochebett aloosse kanns a méi entspaant erliewe kanns.
Gesëschtercours
De “Gesëschtercours” vun “Einfach Eltern” bereet dech, däi Partner:in an och dat “grousst Kand” oder déi “grouss Kanner” op d’Ukommen vum Bëbee vir.
Et ass fir d’éischt en Elterenowend ouni Kand/Kanner bei mir zu Sëll virgesinn. Dann fënnt en aneren Dag de Gesëschtercours mam Kand oder mat de Kanner (2,5-12 Joer) statt, wou d'Themen mat hinnen ganz kandgerecht a locker opgegraff ginn fir si op déi besonnesch Zäit virzebereeden. Nom Wochebett fënnt nach en Notreffen ouni grousst Kand oder grouss Kanner statt.
MamiZen Schwangerschaftsmassage
MamiZen ass eng ayurvedesch Ganzkierpermassage mat e puer Dehnungsübungen fir schwanger Fraen ab der 12. Schwangerschaftswoch. Am Virgespréich léieren mir eis kennen an ech erkläeren dir wéi d’MamiZen Massage ofleeft fir dat s du dech besser drop aloosse kanns. Virun der Massage dierfs du eng Kraaftkaart zéien an dono dierfs du dech ongeféier 90 Minutte laang vu mir verwinne loossen.
D’Virdeeler vun der MamiZen Massage sinn:
-
Stressofbau, déif Entspanung
-
Reguléiert de Nervesystem
-
Regeneratioun op all de Niveauen
-
Rengegend a verjüngend
-
Verbessert Bluttzirkulatioun
-
D’Immunsystem gëtt gestäerkt
-
Bluttdrocksenkung
-
Lymphdrainage
-
Muskellockerung
-
Positiv Wierkung op de Schlof
-
Harmoniséiert insgesamt Doshas zumools bei engem Vata iwwerschoss
D'Massage, passend etheresch Ueleger an de Peeling bréngen dech an eng ganz déif Entspanung, déi souwuel déngem Kierper, déngem Geescht an dénger Séil gutt doë wäerten an zum Schluss héiers du wonnerschéin Kläng, déi d'Massage schéi ofronne wäerten. No der Massage, hu mir nach e kléngt Nogespréich. Sou kriss du och Zäit fir nees ganz an dëser Welt unzekommen a fir dech nees lues a lues op de Wee ze maachen.
150€ (hTVA)
​
Rebozomassagen
An engem Rebozoduch kënnen gehaalen a masséiert ginn, fillt sech fir vill schwanger Fraen immens schéin un.
Rebozomassagen hunn vill Virdeeler:
-
d’Awéckelen an e Rebozoduch oder -dicher kënnen de Kierper entspanen an de Stress immens reduzéieren
-
Muskelverspaanungen an der Nuque, an de Schëlleren an am Réck kënnen geléist ginn
-
d’Hëften an de Bauchraum kënne gelockert ginn
-
Duerchbluddung kann ugereegt ginn
-
déi douce Beweegungen kënnen och dozou bäidroën, dat emotional Spannungen ofgebaut kënne ginn an dat méi Rou an ënnerleche Fridden antrëtt
Et ass och eng wonnerbar Technik fir déi weiblech Energien (Yin) waakreg ze maachen a fir sech dran “bueden” ze kënnen. Vill Fraen profitéieren immens dovunner a fillen sech dono immens entspaant.
​
90€ (hTVA)
Mother's blessing
Eng ural Traditioun gëtt nees an d’Liewen geruff fir d’schwanger Fra an de Mëttelpunkt ze stellen, ze éieren, ze bestäerken an d’Bindung mat hier oprecht ze behalen. Den Iwwergang vun der Fra zur Mamm gëtt schonn am Virfeld zelebréiert.
Eng "Mother's Blessing" Zeremonie ass vill méi wéi e klassescht Fest. Si kann immens déifgrënneg sinn, Fraen zudéifst beréieren a bestäerken. Si suergt fir magesch Momenter a mécht dat Fraen am Krees en onvergiesslecht Fest erliewe kënnen. D’Ritualer, déi am Fraekrees vu mir geleet ginn, gi ganz individuell op déi schwanger Fra ugepasst. Wënsch a Bedierfnisser vun der Fra stinn am Virdergrond, sou dat et fir si an hier Frëndinnen eng bezaubernd Zeremonie gëtt. D’"Mother's blessing" Zeremonie kann e puer Stonnen daueren. E gesond Iessen kann d’Feier schéin ofronnen. Et besteet d’Méiglechkeet mäi Material a méng Raimlechkeeten ze benotzen oder d’Fest zwësch anescht ze feieren.
​
Ab 350€ (hTVA)
