...meng Passioun als Doula ass et haaptsächlech Fraen a Kanner an hiren Transformatiounsprozesser ze begleeden an z’ënnerstëtzen. Ech géif gär dozou bäidroen, dat d'Iwwergäng am Liewe vun der Fra, wéi zum Beispill d'Menarche, de Kannerwonsch, d'Schwangerschaft, d'Gebuert, d'Wochebett, d'Elterenzäit an d'Wiesseljoren zu enger méi positiver a méi bestäerkender Erfarung kënne ginn. Och den Doud gehéiert zu de groussen Transformatiounsprozesser, den oft, wéi souvill aner Themen am Liewen tabuiséiert gëtt. 

Ech ënnerstëtzen och Elteren déi vill Froe ronderëm d'Begleedung vun hirem Kand oder Kanner hunn. Ech leeë mäi Fokus haaptsächlech op d'Bindung, d'Bedierfnisser, de Bëbee- a Kannerschlof, op d'Iessen, d'Propper ginn, d'Autonomiesphas (Trotzphas) an d'Gesëschterrollen. Fir mech ass et wichteg, dass Elteren hirem Kand oder Kanner op Aenhéicht begéinen a si an hiren Prozesser bindungs- a bedierfnisorientéiert begleeden an ënnerstëtzen, ouni dass si hier eege Bedierfnisser vergiessen.

Ech bidden och Fraekreesser fir jonk Meedercher un, fir dat se méi iwwert hiren Zyklus an hier Weiblechkeet kënne gewuer ginn, a Kreesser fir Fraen, déi méi bewosst an hir Kraaft komme wëllen, zumools och an hire Wiesseljoren.  

Preventioun, Reslilienz a perséinlech Entwécklung bei de Fraen a Famillje fuederen, maachen e groussen Deel vu menger Aarbecht aus. Ressourcen a Ritualer aféiere léieren, sinn eng wonnerbar Méiglechkeet fir méi mat sech selwer a Kontakt ze kommen a sech méi mat sech selwer verbonnen ze fillen. Si suerge fir méi Halt, Sécherheet, Gebuergenheet an Orientéierung. Et kënnt een doduerjer vill méi zur Rou an et kritt een dat besser ëmgesat wat een sech virgeholl huet. Ech begleeden an ënnerstëtze Leit, déi aner Weeër goe wëllen, déi vläicht eng aner Siichtweis brauche fir stresseg Momenter besser bewältegt ze kréien an déi méi resilient duerch d'Liewe reese wëllen.