Gebuertsbegleedung zesummen mat Hiewanen bidden ech scho säit 2019 un an et gëtt bal näischt anescht wat ech léiwer maachen, wéi Koppelen oder elengerzéiend Mammen an hirem Gebuertsprozess emotional a kierperlech mat doucë Beréierungen z'ënnerstëtzen. Doulaën an Hiewanen kënnen sech wonnerbar ergänzen an hu bis elo nëmmen gutt Erfarungen sammele konnten.

 

Eng gutt Stäip ze hunn kann der Koppel oder der elengerzéiender Mamm hëllefen, méi roueg a méi zouversiichtleg duerch d'Gebuert ze goen. Ech suergen dofir, dass Jiddereen sech an senger Blos sécher a gebuerge fille kann an dass all Erausfuederung gutt gemeeschtert ka ginn.

​

Ech begleeden Hausgebuerten, Gebuertshausgebuerten a Gebuerten an der Ettelbrécker Maternité. Eng gutt Virbereedung an e gutt Team ronderëm sech, ass essentiel fir besser Geburtserfarungen maachen ze kënnen.

​

Firwat mécht eng Doula wärend der Gebuert Sënn?

​

• Eng Doula bitt als Vertrauenspersoun eng kontinuéierlech informativ, physesch an emotional Ënnerstëtzung wärend dem ganzen Gebuertsprozess un, onofhängech wéi laang et dauert a bleift och nach ongeféier zwou Stonnen no der Gebuert do bis de Moment komm ass fir Eddi ze soen​

 

• Eng Doula kann der Koppel oder der elengerzéiend Mamm hëllefen am Vertrauen ze bleiwen, wat sech positiv op de Gebuertsverlaf auswierke kann

​

• Eng Doula kann d'Koppel oder der elengerzéiend Mamm informativ an och intuitiv duerch d'Gebuert guidéieren an deem si der Koppel hëlleft Ressourcen a Methoden ëmzesetzen fir méi entspaant a méi geloossen duerch de Prozess ze kommen

​

• Eng Doula kann d'Koppel oder der elengerzéiend Mamm bei Interventiounen berouegen, encouragéieren a je nodeem och tréischten falls d'Gebuert net esou verlaf ass wéi erhofft

​

• Eng Doula kann souwuel d'Partner:in wéi och d’Hiewan(en) entlaaschten. Si ass konstant do, berouegt, motivéiert a këmmert sech ëm kleng Saachen, déi eng grouss Wierkung kënnen hunn

​

• Eng Doula kann och no der Gebuert d'Bindung tëscht den Elteren oder der elengerzéiend Mamm an dem Kand stäerken

​

Mat hirer roueger a vertraunensvoller Präsenz an Ënnerstëtzung kann eng Doula dozou bäidroen, dass d’Gebuert als méi e schéint Erliefnis empfonnt ka ginn.