hus_eventuellelteren.jpg

BabySteps fir zukünfteg Elteren

An dësem Workshop kriss du Tipps&Tricks mat op de Wee, wei een den Alldag mam Bëbee besser gemeeschtert kritt. Mir schwätzen iwwert dat éischt Liewensjoer, firwat dat een net an d'Entwécklung vum Kand agräife soll an iwwer Spillsaachen. Wichteg ass och ze wëssen, wat Bëbeeën alles net brauchen. Dann geet et weider mam "Kinaesthetics Infant Handling". Ech weisen unhand vun enger Dropopp wei een e Bëbee ophiewen an nees zeréck leeën kann, wei en gedroe an wei en gewéckelt kann ginn.

 

​Aner Themen sinn:

 

-Wei eng Bedierfnisser hunn d'Bëbeeën?

 

-Wat wëll de Bëbee mir soen? Signaler erkennen an drop agoe kënnen (Dunstan Language).

 

​-Wei berouegen ech e Bëbee?

 

-Wéi stäerkt een d'Eltere-Kand Bindung?

 

-Nieren an Fläsch

 

-Droen mat Duch an Drohëllefen

 

-Schlofen, Bëbeesmassage, Aromatherapie

 

-Bräi a Bräifräi

 

-Kommunikatioun

 

-Stoffwëndelen (Optioun)

 

​Nom Workshop hues dir eng gewësse Basis an du kanns dir schonn Gedanken iwwert déi verschidden Themen maachen. Vläicht weess du dann schonn a wéi eng Richtung et eventuell goe kéint. Ech weisen dir och eng Partie Bicher, déi zu deenen Themen passe wäerten.

Et sinn am Ganzen 3 Kéieren vun ongeféier 2 Stonnen an de Workshop kascht 110 Euro pro Koppel.